WEREWOLF

Kum 1598 khan France ramah sipai thenkhat patrolling a kal te chuan ramhnuaiah naupang ruang, la tharlam tak chu an hmu thut mai a, chu ruang chu rapthlak taksa pawhsawm niin a bul hnimhnah-ah te chuan thisen a kai zeih zuih mai a. A piah deuh hnimbuk kara chinghnia rawn lang zawk an hmuh chu pawikhawihtu ni ngeia ngaiin an um a, an hualbeh hnu chuan an thil man chu chinghnia ni lovin mihring ngei mai a lo ni tlat mai. A hmel a thurin a sam chu a tla hnuang a, a kut te chu thisen in bual huh zuih a, a tin karah te chuan tisa them a lo la kai luam bawk a.

An mi man chu khuaah hruai lutin an han chhuichian chuan chu pa chu Jacques Roulet, kutdawh vak kual thin a ni tih hriat a ni ta a ni. Angers khuaah a chungthu rel niin thi tura tih a ni a, mental illness vanga chutiang a pawi khawih ta ni a hriat a nih avangin Asylum ah kum 2 awm tura a chungthu rel that leh a ni ta zawk a ni. Roulet-a hian naupang chu a sawisak hlum ngei ani tih a puang a, mahse a thiltih lai chuan chinghniaah chang in a kut te chu chinghne kut ang chiahin a awm niin a sawi. “I lu hi chinghne lu ah a inthlak em?” tih zawhna chu, "Ka hre lo, keima lu kha ka hmu thei lova, mahse ka ha chu naupang seh nan chuan ka hmang" tiin fel takin a chhang a ni.

Hetiang ang felfai taka documented case hi Werewolf chungchangah hian a awm nawk mai. Mihring hi Werewolf ah an lo chang thei tehreng em? Han bik dek dek teh ang.

Werewolf hi chi hnih an awm niin an sawi a, a tak tak leh tak tak lo???. Werewolf tak tak chu chinghne taksa leh pianhmangah an chang thin niin an sawi. Hei hi documented case leh proof a vang hle. Werewolf case tam zawk (Werewolf tak tak lo) hi chu nantna chi khat Lycanthrope vang niin sawi a ni. He natna veite hian chinghnia ni tlatin an inhria a, an taksa pianhmang erawh a danglam lo va, mihring taksa pangngai an pu tho a, chinghne awmdan leh mizia angin an chetla ta thin a ni. Lycanthrope natna vei te hi Werewolf ti a sawi tho an ni bawk a, Werewolf case tam ber hi chu Lycanthrope natna veite an ni chawk a ni. 1520-1630 inkar khan France ramah ringawt Werewolf case hi 30,000 chuang report a ni ( Man into Beast)…

Werewolf leh Vampire hian inzawmna thuk tak an nei niin an ngai. Werewolf te hi an thih chuan Vampire a chang ngei ngei tura ngaih an ni a, hei vang hian Werewolf ni a hriat an thih hian vampire-a an chan loh nan exorcism (then thianghlimna) an nei thin a ni.

Hmanlai rindan ah chuan tupawh in beram, chinghne seh hlum sa an ei chuan Werewolf ah an chang thin a, wolf thluak (brain) ei leh wolf kehniaka tui tling in chu Werewolf ah an chang ngei thin niin an ngai bawk .Werewolf nih duh tan hrim hrim pawh puithuna (ritual) hmanga nih dan an sawi chu:

Full moon zanah magic circle (??) chhungah mei alh chungah bel (cauldron) chhuan tur a ni a. Chu belah chuan ramhmul leh damdawi (??) (potion of herbs and drugs) dah tur a ni a. Werewolf a chang duh pa chuan a taksa chu zawhte thisen tharlam tak , aniseed leh opium chawhpawlh in a chulh anga, a kawngah chuan chinghne vuna siam kawnghren a hreng tur a ni a, circle chhungah chuan thingthi chungin hetiang hian thu a chham ang.

Hail, hail, hail, Great Wolf spirit, hail

A boon I ask thee,mighty shade. Within this circle I have made

Make me a werewolf strong and bold

The terror alike of young and old

Grant me a figure tall and spare

The seed of the elk, the claws of the bear,

The poison of snakes the wit of the fox

The stealth of the wolf, the strength of the ox,

The jaws of the tiger, the teeth of the shark

The eyes of a cat that sees in the dark

Make me a werewolf, make me a man eater

Make me a werewolf make me a woman eater

Make me a werewolf make me a child eater

I pine for blood, human blood

Give it to me, give it to me tonight

Great wolf Spirit, Give it to me and

Heart body and soul I am yours

Hetiang a dik taka an tih chuan a changtupa taksa chu chinghnia ah muangchangin a chang thin a ni AN TI.

Khual thuthangah chuan werewolf te hi khawfing chah veleh mihringah an chang leh thei a. Tin leia zing daifim a inbual (roll in the morning dew) hnuah chauh an mihringah an chang leh thei niin sawi a awm bawk. Werewolf hi an thih chuan chuan mihringah an chang nghal thin a, chinghne panngai anga thah mai theih an ni nachungin a thah dan tha ber chu silver bullet a kah a ni. An ruang hi halral an ni thin a ni.

Tunlai mithiaam te chuan Werewolf sawifiah naan hian natna chikhat ‘Rabies’ hi aan nhmang uar hle. Hei hi mizoten “Ui A Hri’ kan tih mai hi a ni ber awm e. Ui A ( Rabid dog) in mi a seh chuan tui te an hlau a, ui anga han u tak ruah ruah leh han bauh khurh khurh thin chanchin pawh kan hre nual maithei. Tunlai khawvelah chuan damdawi te a lo tha tawhin inenkawl dam zung zung theih a lo ni tawh a. Hmanlai hunah erawh kha chuan he natna hri hi hriatchian a la ni lo va, thingtlang hmun kilkhawrah eng natna emaw an hmu Werewolf nghal mai thin ni te pawhin a lang.

Rabies natna vanga Werewolf anga sawi pawh hi thil awm tak a ni. Tunlai Mizo, changkang ve tawh tak leh 100% Kristian inti te pawh hian a mak zawng thu kan sawi uar zia ngaihtuah hian an demawm lem love. Chutihlai erawh chuan hnamtin mai hian hetiang lam thawnthu hi kan lo nei theuh mai a. Mizoten ‘Keimi’ kan tih ang deuh, mihring leh ramsa inkara Ram mi, ransa ni chiah lo, mihring pawh ni chiah lo (Ni chiah lo ve ve, ni ve ve tho bawk si) hi hnam hrang hrang te hian sawi tur kan nei a. Hmun tam takah ramsa in mihring a chawm len chanchinte hriat tur a lo awm bawk si thin nen , a awih duh lo tan chuan tang fung tha tak a awm thei ang a, a awih duh tan pawh hrilfiah fihlim thak theihloh thil hi a awm ve tho mai.

(Source i en duh chuan hetah hian i click dawn nia)