Hmasang
ata tawh tunlai hun thlengin khawvelah hian rukru tam tak an awm thin a,
khawvel pum hriattham khawpa lar pawh tam tak an awm a ni. Tun tumah chuan heng
ho zinga mi thenkhatte tawi te tein kan bihchiang ve thung dawn a ni.
He thu kan lakna hi i en duh chuan BIHCHIANNA ah hian click rawh
1.
Dismas
leh Gestas
Mi
thenkhat chuan he mite hi tute nge an nih kan hre lo mai thei e; amaherawhchu
rukruk hmang zingah chuan a lar ber pawl an ni lawi si! He mi te pahnih hi
Kalvari tlanga Isua kianga an khenbeh te kha an ni. Kross-a an khenbeh laia
“Isu, I ram I thlen hunah min hre reng ang che,” titu zawk kha chu Dismas hi
niin an sawi.
2.
Prometheus
Mythology
atanga a landan chuan Prometheus, milian leh ropui zet mai hian, pathiante hnen
atangin mei (fire) a ru chhuak a, mihringte hnenah a pe a ni. Tunlai thleng
pawha sa leh thlai hel ni lo, chhum hmin thlap kan neih a, kan ei theihna chhan
chu Prometheus vang hi niin an ngai thin a ni.
3.
Robin
Hood
He
pa zet hi chu a hming hre lo kan awm kher lo vang. A nundan leh a chanchin
behchhanin film te pawh a awm kha. Milian leh hausate thil ruk saka rethei leh
pachhe zawkte hnena pe thintu tite pawhin an sawi thin kha
4.
Blackbeard
He
pa pawh hi Robin Hood tluk zeta lar a ni. A hming tak chu Edward Teach a ni a,
lawng suamhmang (pirate) turu zet mai a ni a, a hmuihmul dangdai zet hian mi
hriat a hlawh hle bawk. Virginia governor in amah that tura a tirh sipaite nen
an insual buaina lamah a thi a, hetih lai hian kum 30 mi a ni. Blackbeard hi a
hma pawhin a thiltih sual avangin an man tawh a, chumi lai chuan an ngaidam
hlauh mai a, mahse chu chu inseam thatna atana hmang lovin an ngaihdam hnu
chuan a hna ngai chhunzawm turin tuipuiah bawk a let leh a ni
5.
Jesse
James
He American robber erawh hi chuan a ruk theih
ang apiang a ru a ni ber mai; rel te, bank te, leh thildang tam tak a suam thin
a. Jesse James awmna bul velah chuan engmah a him lo tiin an sawi thin! Young
brothers tih hming puin Gang an din a, chhim lamah chuan mipuite hlauh ber an
ni.
6.
“Babyface”
Nelson
He
pa hi pa danglam tak chu a ni. Rukru tam ber hi chu tleirawl/puitling an nih
hnu atanga rukru tan an ni tlangpui a; ani erawh chuan naupangte a nih atangin
car a ru tawh a ni. Kum 14 mi a nih phei chuan a expert tawh hle! A hming lem
“Babyface” tih hi a hmel a lan naupan avang leh pa tereuhte anih avanga an
puttir a ni a, FBI agent that hnem ber
niin an hria.
No comments:
Post a Comment