JEAN MARIE LORET : Hitler-a fa a ni reng em?

Khawvel mihring piang tawhte zinga chanchin ngah leh lar ber pawl, Adolf Hitler-a chanchin hi Zofate zingah ngei pawh hian hre lo kan awm awm kher lo vang! A huaisen zia leh a nunrawn ziate pawh hai rual lovin kan hre ṭheuhvin a rinawm. Juda mi, nuai chuang zet mai a suat anih kha. A nunrawnna kha chu thudang ni ta se, a hun lai na na na kha chuan amah aia huaisen leh ropui kha an awm kher lo vang. Mahse a huaisen zia leh ral a beih dan lam ni lovin amah Hitler hian a nupui ni lo, midang lakah fa(sâwn) a lo nei rêng em tih lam hi i thlûrbing daih teh ang.

Pa pakhat, Jean Marie Loret, France ram-a mi chuan kum 1981 khan Hitler-a fapa a nih thu, a Autobiography “Your father‘s name was Hitler” tih lehkhabu a tlangzarhnaah a puang tlat mai. A chanchin ziahna lehkhabu a tihchhuah aṭanga kum 4-na ah, kum 67 mi niin a boral zui nghal a. Mipui hmaah Hitlera fa a nih thu lo puang tawh mah se, hetia amah ber a boral chhunzawm tak si avang hian court hmaah Hitler-a fa ngei a nih thu hi a prove hman ta lo a ni.

WEREWOLF

Kum 1598 khan France ramah sipai thenkhat patrolling a kal te chuan ramhnuaiah naupang ruang, la tharlam tak chu an hmu thut mai a, chu ruang chu rapthlak taksa pawhsawm niin a bul hnimhnah-ah te chuan thisen a kai zeih zuih mai a. A piah deuh hnimbuk kara chinghnia rawn lang zawk an hmuh chu pawikhawihtu ni ngeia ngaiin an um a, an hualbeh hnu chuan an thil man chu chinghnia ni lovin mihring ngei mai a lo ni tlat mai. A hmel a thurin a sam chu a tla hnuang a, a kut te chu thisen in bual huh zuih a, a tin karah te chuan tisa them a lo la kai luam bawk a.

An mi man chu khuaah hruai lutin an han chhuichian chuan chu pa chu Jacques Roulet, kutdawh vak kual thin a ni tih hriat a ni ta a ni. Angers khuaah a chungthu rel niin thi tura tih a ni a, mental illness vanga chutiang a pawi khawih ta ni a hriat a nih avangin Asylum ah kum 2 awm tura a chungthu rel that leh a ni ta zawk a ni. Roulet-a hian naupang chu a sawisak hlum ngei ani tih a puang a, mahse a thiltih lai chuan chinghniaah chang in a kut te chu chinghne kut ang chiahin a awm niin a sawi. “I lu hi chinghne lu ah a inthlak em?” tih zawhna chu, "Ka hre lo, keima lu kha ka hmu thei lova, mahse ka ha chu naupang seh nan chuan ka hmang" tiin fel takin a chhang a ni.

KHAWNGAIHNA MAK, MAWI LEH DUHAWM (Amazing Grace)

Kristian hla lar berte zinga mi, Khawngaihna mak, mawi leh duhawm (Amazing grace) tih hla hi khawvel hmun kilkhawr ber Mizoramah pawh hre lo kan awm awm lo ve. Hla thu tha tluk nalh bawk si hi John Newton-a’n a phuah a ni a. Tun thlengin hla mawi leh nalh berte zinga mi ala nit a reng a nih hi.

Newton hi July 24, 1725 khan London-ah alo piang a, a pa chuan Mediterranean tuipuia zin thin sumdawng lawngah Commander hna a thawk a. A pa hnungzui hian John Newton pawhin naupangte a nih atangin a pa lawngah hian a zin kual ve thin a, kum 11 mi a nih chuan vawi 6 lai a zinchhuak ve hman tawh a ni.

BLOG-A FACEBOOK LIKE BUTTON DAH DAN

Facebook hi tunlai khawvelah chuan mipuiin an bawh nasat ber leh lian ber alo ni chho ta a. Mimal, pawl leh company hrang hrang ten an website, blog etc tih-larna turin facebook lamah page an siam a, an thlunzawm nasa tawh hle a ni. Mizo zingah pawh hriattheih chinah blog nei ringawt pawh hi za chuang fe kan lo awm ve ta a. Blog-a Facebook like button dah duh kan awm a nih chuan hetiang hian tih tur a ni.

KHAWVEL HISTORY A RUKRU LAR ZUAL THENKHATTE

Hmasang ata tawh tunlai hun thlengin khawvelah hian rukru tam tak an awm thin a, khawvel pum hriattham khawpa lar pawh tam tak an awm a ni. Tun tumah chuan heng ho zinga mi thenkhatte tawi te tein kan bihchiang ve thung dawn a ni.

 He thu kan lakna hi i en duh chuan BIHCHIANNA ah hian click rawh 

1.      Dismas leh Gestas

Mi thenkhat chuan he mite hi tute nge an nih kan hre lo mai thei e; amaherawhchu rukruk hmang zingah chuan a lar ber pawl an ni lawi si! He mi te pahnih hi Kalvari tlanga Isua kianga an khenbeh te kha an ni. Kross-a an khenbeh laia “Isu, I ram I thlen hunah min hre reng ang che,” titu zawk kha chu Dismas hi niin an sawi.